KE ALAHAO O HONOLULU

He alahao kau i ka lewa Ke Alahao o Honolulu e ho‘oku‘i mai ana iā O‘ahu Komohana me Honolulu Kaona lāua ‘o ke Kikowaena Kū‘ai ‘o Ala Moana.
• E ho‘okā‘oi ‘ia ka hali lehulehu ākea
• E ho‘ēmi ‘ia ka nui o nā ka‘a ma loko o ke alanui i ka wā e hiki mai ana
• E ‘oi aku ka holo ‘ana ma ka wā kūpono
• E kāko‘o ‘ia ka ulu pono ‘ana i ka māhuahua ‘ana mai o ko O‘ahu

I mea e maopopo ai

Ma ia Kāmua Palapala Hō‘ike Hopena Kaiaulu, kālailai ‘ia kona pono, no kēia manawa ‘ānō a me ka wā e hiki mai ana, no ka ho‘okā‘oi ‘ana aku i ka holo ‘ana a me ke kūpono o ka holo ‘ana, ke kāko‘o ‘ana i ka ho‘oulu na‘auao a me ka ho‘okā‘oi ‘ana aku i ke kaulike alakau ma waena o Kapolei a me ke Kulanui o Hawai‘i ma Mānoa ma ka Mokupuni ‘o O‘ahu.

Kū ia Kāmua Palapala Hō‘ike Hopena Kaiaulu i ke kulekele kaiapuni o ka moku‘āina a me ke aupuni pekelala. Kālailai ‘ia kekahi mau Koho Kūkulu a me ho‘okahi Koho Kūkulu ‘Ole. Ho‘okomo ‘ia ia mau koho i loko o ia Kāmua i mōakāka ho‘i ka ho‘okō ‘ana, ke kumulilo a me ka hopena o ka pāhana.  Ho‘okomo ‘ia ke Koho Kūkulu ‘Ole no ka hō‘ike ‘ana aku i nā loli e loa‘a mai ana ma ia mau pāhana i makemake ‘ia.

Ma ia mau Koho Kūkulu e ho‘oku‘i ‘ia ai ‘o Kapolei Hikina lāua ‘o ke Kikokawena Kū‘ai ‘o Ala Moana ma ka kūkulu ‘ana aku i ke alahao kau i ka lewa ma nā alanui e kū nei. ‘O ka mea e ‘okova ai nā koho, ‘o ia ho‘i nā alahele. Ma kekahi alahele, i ke Alanui ‘o Salt Lake e holo ai. Ma ka mea ‘elua, i ke Alaloa ‘o Nimitz ma kahi o ke kahua mokulele e holo ai a ma ka mea ‘ekolu ho‘i, ma loko nō o ia mau wahi ‘elua e loa‘a ai ke alahele.

He 19-25 mau mile ka lō‘ihi o ke alahao kau i ka lewa ma ia mau koho a aia pū ma laila:
• ka hale ho‘olulu
• ka ho‘okū ka‘a a holo
• ka hale mālama a me ka hale ho‘āhu
• nā hale ‘ē a‘e e kāko‘o mai ana i ke alahao

Nui nā kumuhana o loko o ke Kāmua Palapala Hō‘ike Hopena Kaiaulu. Eia kekahi: ke kumu a me ka pono no ia Pāhana; nā koho ‘ē a‘e me nā mau alahele ho‘i, nā hale ho‘olulu a me nā kahua ho‘okū ka‘a a holo, ke kumulilo no ke kūkulu ‘ana aku, ka hana ‘ana a me ka mālama ‘ana; a me nā hopena o ia mau koho ma luna o ke alakau, ke kaiāulu, ke ‘ekonomia, ka ‘āina a me ke kai, ke kuleana alahele e hiki aku ai, a me kekahi mau mea hou aku.